Ai quhet Leo

Nga Meri Xhafa -
A ju ka rënë rasti që të paktën një herë në jetë të njhni apo të lexoni për dikë që quhet Leo? (Po ju pyes para se të shprehem me siguri… dhe një numër relativisht i madh thotë se ka njohur një Leo ose ka lexuar për një të tillë.) 
Mirë pra.

Shkurtimisht, për Leon.

Me Leon nuk më lidh asgjë në këtë jetë, ama ndodh që sytë tanë të puqen gati çdo ditë. Herë egër, herë pa vëmendje, herë me dashje e herë me dëshirën më të madhe. Shikimi i tij thërret me zë të mekur për mëshirë, më ndodh që ta dëgjoj dhe t'i kushtoj vëmendje të heshtur.
I akullti Leo më bën që këtë pasdite të pi çaj dhe të mendoj për të, t'i hedh sytë rrugës me shpresë dhe të vë buzën në gaz. Është sa real po aq dhe imagjinar. Nuk kam marrë kurrë guximin ta quaj "pre" sepse shpeshherë nuk e kam konsideruar (në tërësi.) Mendimet se është shumë larg-dhe-jo-lart për mua dhe shumë jo i vështirë kanë qenë në një dyluftim pa fitues në mendjen time.

E kam lënë në pauzë por jo të shkojë.

Këto kohë uni im është në letargji për t'ju dhënë drejtim punëve të tilla dhe i ka ardhur rasti pavetëdijes për ta bërë lëvizjen mat. Ajo është e zonja, por nuk ja thotë shumë shahut. Përshtypjet e mia thonë se pavetëdija do të gabojë në lëvizjen e rradhës. Zonjusha Pavetëdije karakterizohet nga një eufori e pafat. Do ta krahasoja me bixhozin. Mbyllim këtu hapsirën ego.
(Rikthehemi tek Leo)
Leo është i pamundur si mision,  ne vërtetë jemi në dy skaje që takohen por në rastin tonë të rrallë ura lidhëse është pengesë. Ama ne i falemi një rastësie të qëllimshme, e cila luan me ne ping pong...jo për shumë kohë. 
Akulli është forcuar prej temperaturave, një zjarr që stepet pa shpjegim. Në arenë dëgjohen brohoritje, dyluftimi e nxorri fituesin e vet. Të gjithë e panë Leon, e brohoritën, tani mua më duhet veç t'i hedh sytë.

Të gjithë e kanë lexuar

Të dua vs Të kam xhan

Nga Meri Xhafa -
(Të dua - për gënjeshtarët. Të kam xhan - për gënjeshtarët e sinqertë.) Sikur për një herë të vetme, jam e sigurt që ju kanë thënë "Të dua!" A e keni pyetur ndonjëherë veten përse jua kanë thënë? Sepse ka qenë një lumturi afatshkurtër! Njerëzit thonë të dua pa e ndjerë, pa e kuptuar se pse po e thonë, pa u prekur nga vetëdija e tyre. Thonë të dua, dhe nuk e kthejnë kokën pas për ti vënë peshë fjalës. Thonë të dua, sepse në fakt ju pëlqejnë të bëjnë lajka. E përdorin atë famozen Të Dua, për të marrë besim, për të thyer zemra, për të shpenzuar kohë pa mundur të japin pak nga grimcat e shpirtit të tyre inekzistent. Por, a i besoni ju "Të dua-s"? Po, po dhe po! I besoni deri në verbëri. I besoni sepse e keni shpirtin të mbushur plot, nuk i lini vetes kohë për dyshime, nuk doni ti besoni dyshimeve. I besoni, sepse nuk doni ta prishni magjinë, sepse nuk keni forcë të mendoni ndryshe. Sepse jeni pak të dobët, le ta themi mes nesh. Përse nuk e zëvendësoni Të...
Këtu mund ta lexosh të plotë

Nuk kanë përgjigje këto pyejte

Nga Meri Xhafa -
Përse Sterjo? A e gjete ti përsenë kur pikëpyetje të vazhdueshme rridhnin rreshtave të tu? Pse Heró? A po ju trembesh ti pikëpyetjeve kur bezdisshëm kërkojnë një shpjegim? Pse jo o njeri pa emër? Në larminë e fjalorëve të botës ti zgjedh të mos shprehesh, ti zgjedh frikshëm heshtjen, trembshëm trembem... Ç'janë ato drithma urdhëruese që të komandojnë si ushtar të përbetuar pa pyetur për vitet e jetës? Në pritje të kujt jam unë, mundem ta di?! Një pikëpyetje tjetër...e një papërgjigje tjetër  A arrin dot ti t'i bindesh një fati të paudhë, një fati të paanë që dhe copëzat e shpresës i janë vrarë nga errësira? A arrin dot ti të ndrydhësh veten në gjithë gjerësinë e spektrit tënd? Cili shqetësim i rradhës po e zvogëlon mendjen tënde duke i ngushtuar me dhunë rrahjet e lira të zemrës? Pse vendose të huazosh stalaktidet nga majat më të larta të Olimpit përjetësisht? Përse me zgjedhjen komando e devijon të vërtetën duke e çuar disa milje larg? Pse ja drejtove vetes pyetjen "Unë?...
Këtu mund ta lexosh të plotë

What would you do for love?

Nga Meri Xhafa -
Image
*123, 123 dashuro! 123, 123 dashuro!*  Duke u nisur nga fakti që unë jam një femër tepër romantike në botën e fjalës dhe fjalet e mia i përulen dashurisë, një tjetër shkrim shkon në adresë të saj.  E duke qenë se unë nuk mund t'i kushtohem dashurisë e vetme, këtë rradhë mora një bazë mjaft të mirë. Një bazë që më bëri jo vetëm të qartësoj ide, por të gjykoj ndryshe, të ndiej ndryshe, të ndiej më shumë.             Por çfarë do të bënit ju për dashurinë, e nëse keni mundur, çfarë keni bërë?    Këtë pyetje iu shtrova pak ditë më parë ndjekësve të mi. Përgjigjjet e të cilëve, do ti rradhis më poshtë.             Çfarë do të bëja për dashurinë. * Dikush thotë se në emër të dashurisë, do të dashuronte, kaq e thjeshtë. Konkretisht: "Do t'i falesha qenies tënde, që jetës time t'i jepte jetë!" Dashuri që vret, vetja jonë e lënë pas me mijra herë nga zemra altruiste, çfarë ndodh me ndjenjat tona...
Këtu mund ta lexosh të plotë

Pas t'njëzetegjashtit

Nga Meri Xhafa -
Po ti jap do lamtumira, Se kurr si dihet, ma mirë dhe për nesër ti kesh Po t'flas pa dredhina, që mu, kur t'mos m'gjesh n'pritje, ti zemën, t'mos mërzitesh I kam prit ikjet. Si vmendjen tane që noshta se mora kurr! E tani pres t'kalojn vitet Me largsinë tane t'msohem un! Kisha menu se për ty asnji varg se kisha shkru Amo për ty s'kisha menu, Që n'rastin ma t'par që po t'jepet, N'rastin ma t'shpejt, me tradhtu! Kush i priti dashnitë e vërteta e mbet pa u zhgënjy?! Kush? Ahh ju lutna m'thoni! Kujt i mbet zemra pa ju thy?! *** Moral sdu me ndi kur lexoni se flas për dhimba e bes t'shkelun S'jeni ma budalla more mu verbu pri dashnisë, Mi besu nji zemne t'dehun! Ju thrras fort, ju e dini. N'mnyr kshtu që mos baj gjama Për dashni t'rreme e për lot t'derdhun Ma mir kishit nejt te Nana. Mos mi merrni fjalt pesh! Trimave gati për m'ju fal, Mendonja tej qillit! Dy zemra s'i ke...
Këtu mund ta lexosh të plotë