A të kam folur ndonjëherë për ndjesitë?

Nga Meri Xhafa -
(Ndjesi - ndjenjë; aftësia për të ndjerë: i lindi një ndjesi e re.)
   Më duhet ta nis me një përkufizim shkrimin e rradhës sepse dua ta kemi të qartë konceptin e fjalës, sepse ndoshta në vijim do të të duhet ta pyesësh veten, ndoshta në vijim do të ndihesh… si unë.

Si fillim më lejo të të pyes, ndihesh mirë?
Nëse me vete guxove të thuash jo, të kuptoj mirë, e nëse nuk ngurrove të thuash po, a mund ta pyesësh veten edhe një herë?!
   Në një kohë si kjo, unë i premtova vetes se nuk do të bija pre e “efektit karantinë”, sepse doja ta mposhtja të gjithë energjinë e keqe që më rrethon prej gati dy muajsh. U përfshiva pa dashur në mërzinë e kohës, të rregullave, të fatkeqsisë, në pavërtetësinë e lajmeve dhe artikujve të ndryshëm, në dyndjen e njerëzve e po ashtu dhe në vetminë e tyre.

Ndjesi. Ndjesi, ndjesi, ndjesi. Ku hyn ti vallë?!

  Teksa po i hidhja një sy njërit prej shkrimeve të mia, sytë u përqendruan tek fjala ndjesi, e ndërsa po pyesja veten për domethënien/vlerën e fjalës, u stepa.
Çfarë? U habite?! Dhe unë me veten!

 Fillova të kërkoj mbi kuptimin e fjalës, përkufizimin e të cilit lexove në krye dhe u habita me veten po aq sa u habita kur nuk po i gjeja fjalës domethënien.
   Në momentin e parë që lexova se ndjesia është aftësia për të ndier e konsiderova veten si një të paaftë. Fajin ja vura vorbullës që më ka tërhequr, për ndikimin e madh, por më vonë kuptova që e shtyva veten vetë drejt asaj vorbulle. Ndoshta ishte një moment dobësie. Ky moment më rrëmbeu të qeshurën kur shikoja një film komedi, mi ndalte lotët para një drame, ma mori mendjen teksa shfletoja librat e mi, më mori vëmendjen për të ma çuar diku gjetkë. Derisa sot, arrita të kthjellohem duke kuptuar se sa ndjesi paskam humbur. Arrita të kthjellohem për të rimarrë veten time, ndjesitë e mia, energjinë dhe fuqinë për të shpëtuar.

Mos ndoshta në një moment u ndieve dhe ti si unë? A ju hakërreve kohës dhe ti si unë?  
Nëse përgjigjja ishte po, më lejo të të uroj, sepse dhe ti, ashtu si unë, i more sërish në dorë ndjesitë e tua.

Kohë më parë mendoja se ndjesitë ishin larva të pakomandueshme që merrnin zhvillim brenda qenies sonë, e tani besoj se ndjesitë janë të komandueshme, sepse çdo larvë arrin ta gjejë rrugën e duhur për të dalë nga vorbulla si një flutur. 🦋



Të gjithë e kanë lexuar

Të dua vs Të kam xhan

Nga Meri Xhafa -
(Të dua - për gënjeshtarët. Të kam xhan - për gënjeshtarët e sinqertë.) Sikur për një herë të vetme, jam e sigurt që ju kanë thënë "Të dua!" A e keni pyetur ndonjëherë veten përse jua kanë thënë? Sepse ka qenë një lumturi afatshkurtër! Njerëzit thonë të dua pa e ndjerë, pa e kuptuar se pse po e thonë, pa u prekur nga vetëdija e tyre. Thonë të dua, dhe nuk e kthejnë kokën pas për ti vënë peshë fjalës. Thonë të dua, sepse në fakt ju pëlqejnë të bëjnë lajka. E përdorin atë famozen Të Dua, për të marrë besim, për të thyer zemra, për të shpenzuar kohë pa mundur të japin pak nga grimcat e shpirtit të tyre inekzistent. Por, a i besoni ju "Të dua-s"? Po, po dhe po! I besoni deri në verbëri. I besoni sepse e keni shpirtin të mbushur plot, nuk i lini vetes kohë për dyshime, nuk doni ti besoni dyshimeve. I besoni, sepse nuk doni ta prishni magjinë, sepse nuk keni forcë të mendoni ndryshe. Sepse jeni pak të dobët, le ta themi mes nesh. Përse nuk e zëvendësoni Të...
Këtu mund ta lexosh të plotë

Nuk kanë përgjigje këto pyejte

Nga Meri Xhafa -
Përse Sterjo? A e gjete ti përsenë kur pikëpyetje të vazhdueshme rridhnin rreshtave të tu? Pse Heró? A po ju trembesh ti pikëpyetjeve kur bezdisshëm kërkojnë një shpjegim? Pse jo o njeri pa emër? Në larminë e fjalorëve të botës ti zgjedh të mos shprehesh, ti zgjedh frikshëm heshtjen, trembshëm trembem... Ç'janë ato drithma urdhëruese që të komandojnë si ushtar të përbetuar pa pyetur për vitet e jetës? Në pritje të kujt jam unë, mundem ta di?! Një pikëpyetje tjetër...e një papërgjigje tjetër  A arrin dot ti t'i bindesh një fati të paudhë, një fati të paanë që dhe copëzat e shpresës i janë vrarë nga errësira? A arrin dot ti të ndrydhësh veten në gjithë gjerësinë e spektrit tënd? Cili shqetësim i rradhës po e zvogëlon mendjen tënde duke i ngushtuar me dhunë rrahjet e lira të zemrës? Pse vendose të huazosh stalaktidet nga majat më të larta të Olimpit përjetësisht? Përse me zgjedhjen komando e devijon të vërtetën duke e çuar disa milje larg? Pse ja drejtove vetes pyetjen "Unë?...
Këtu mund ta lexosh të plotë

What would you do for love?

Nga Meri Xhafa -
Image
*123, 123 dashuro! 123, 123 dashuro!*  Duke u nisur nga fakti që unë jam një femër tepër romantike në botën e fjalës dhe fjalet e mia i përulen dashurisë, një tjetër shkrim shkon në adresë të saj.  E duke qenë se unë nuk mund t'i kushtohem dashurisë e vetme, këtë rradhë mora një bazë mjaft të mirë. Një bazë që më bëri jo vetëm të qartësoj ide, por të gjykoj ndryshe, të ndiej ndryshe, të ndiej më shumë.             Por çfarë do të bënit ju për dashurinë, e nëse keni mundur, çfarë keni bërë?    Këtë pyetje iu shtrova pak ditë më parë ndjekësve të mi. Përgjigjjet e të cilëve, do ti rradhis më poshtë.             Çfarë do të bëja për dashurinë. * Dikush thotë se në emër të dashurisë, do të dashuronte, kaq e thjeshtë. Konkretisht: "Do t'i falesha qenies tënde, që jetës time t'i jepte jetë!" Dashuri që vret, vetja jonë e lënë pas me mijra herë nga zemra altruiste, çfarë ndodh me ndjenjat tona...
Këtu mund ta lexosh të plotë

Pas t'njëzetegjashtit

Nga Meri Xhafa -
Po ti jap do lamtumira, Se kurr si dihet, ma mirë dhe për nesër ti kesh Po t'flas pa dredhina, që mu, kur t'mos m'gjesh n'pritje, ti zemën, t'mos mërzitesh I kam prit ikjet. Si vmendjen tane që noshta se mora kurr! E tani pres t'kalojn vitet Me largsinë tane t'msohem un! Kisha menu se për ty asnji varg se kisha shkru Amo për ty s'kisha menu, Që n'rastin ma t'par që po t'jepet, N'rastin ma t'shpejt, me tradhtu! Kush i priti dashnitë e vërteta e mbet pa u zhgënjy?! Kush? Ahh ju lutna m'thoni! Kujt i mbet zemra pa ju thy?! *** Moral sdu me ndi kur lexoni se flas për dhimba e bes t'shkelun S'jeni ma budalla more mu verbu pri dashnisë, Mi besu nji zemne t'dehun! Ju thrras fort, ju e dini. N'mnyr kshtu që mos baj gjama Për dashni t'rreme e për lot t'derdhun Ma mir kishit nejt te Nana. Mos mi merrni fjalt pesh! Trimave gati për m'ju fal, Mendonja tej qillit! Dy zemra s'i ke...
Këtu mund ta lexosh të plotë